Priskribo per E-vortoj aux vortetoj «

Por priskribi E-vorton oni uzas unuavice alian E-vorton aux E-vortecan vorteton. La priskribo staras preskaux cxiam antaux la priskribata E-vorto:

• vere rapide
• tre rapide
• ekstreme tede
• pli rapide
• tiel tede
• iom tede

O-vortaj frazpartoj «

Oni povas uzi O-vortan frazparton por priskribi E-vorton. La priskribanta frazparto havas cxiam rolvorteton aux N-finajxon. Tia priskribo staras normale post la E-vorto:

• rilate al tio
• rilate tion
• pere de li
• kauxze de la akcidento
• fare de ili

Se E-vorto esprimas objektan agon, N-finajxa priskribo montras la objekton de tiu ago:

• subtenante la krucxon[FE.15]
• eljxetante unu serpenton kaj unu ranon[FE.21]
• trovinte pomon[FE.22]

Se O-vorta priskribo de E-vorto montras mezuron, gxi staras normale antaux la E-vorto:

• je cent decibeloj lauxte
• cent decibelojn lauxte

Komparaj esprimoj «

Oni povas priskribi E-vorton per kompara esprimo kun kiel aux ol. Tia priskribo staras cxiam post la E-vorto:

• longe kiel hieraux
• tede kiel en la lernejo
• same kiel mi
• pli longe ol hieraux
• pli tede ol mia instruisto

Subfrazo aux I-verbo «

Por priskribi E-vortan participon oni ankaux povas uzi subfrazon kaj I-verbon. Tia priskribo staras cxiam post la E-vorto:

• Vidante, ke sxi estas tiel bela, li demandis sxin, kion sxi faras tie cxi tute sola.[FE.21]
• Alecxjo staris momenton apud la pordo, kvazaux sxanceligxante, cxu li devas resti aux iri post la kuzino.[M.49]
• Forgesante diri adiaux al la du virinoj, li elkuris en la antauxcxambron.[M.60]