PMEGGramatiko / O-vortecaj kaj A-vortecaj vortetoj /

15.5. Ambaux

Ambaux = “cxiuj du”. Oni uzas ambaux anstataux cxiuj, kiam estas precize du aferoj aux personoj.

Ambaux povas roli en frazo tute same kiel cxiuj, kiel rekta priskribo, pronomece k.t.p. Ambaux estas ofte uzata kune kun vi, ni aux ili por precizigi, ke temas pri precize du. Tiam ambaux rolas kiel apudmeto.

Ambaux ne povas ricevi J-finajxon aux N-finajxon.

Ambaux estas difinilo. Tial oni ne povas uzi la kune kun ambaux.

Zamenhof iafoje uzis ambaux anstataux du: Cxiuj sidigxas cxirkaux la ambaux Pjotroj Ivanovicxoj.[Rz.13] Gxi [la rivero] inundis siajn ambaux bordojn.[Kr1.12] Oni vidas, ke ambaux tiam povas aperi kun difinilo (la, siajn k.a.). Zamenhof poste skribis, ke tia uzo estas malbona (Lingvaj Respondoj p. 99). Oni do uzu cxiam du en tiaj frazoj: Cxiuj sidigxas cxirkaux la du Pjotroj Ivanovicxoj. Gxi inundis siajn du bordojn. Oni tamen povas bone diri ekz.: Gxi inundis ambaux siajn bordojn.

Por kontroli, cxu ambaux estas gxuste uzata, oni sxangxu la frazon tiel, ke gxi temas pri pli ol du aferoj. Se oni tiam uzus cxiuj, oni scias, ke ambaux estas korekte uzata.

Dosierdato: 8 Marto 2008 (02:49:19 GMT)