W —

1996-02-29

Germana komputikisto, nun vivanta en Svedio, aŭtoro de pluraj el la Leksikonaj artikoloj (vd Dankesprimoj), multe kontribuinta al la plibonigo de la verko. Vd lian hejmpaĝon.

1996-02-29

Firmaa normo de Majkrosoft pri signaro entenanta 652 signojn sufiĉajn por la skriboj de la Eŭropaj lingvoj, inklude la slavajn, la grekan kaj la turkan (la kodpaĝaj n-roj 1250, 1251, 1252, 1253, kaj 1254). WGL4 estas bazita sur la kapablo de Windows adresi (almenaŭ el iuj aplikaĵoj) signojn de TTF-tiparoj per ilia Unikoda dubajta kodono.

La uzanto povas ŝargi unu WGL-tiparon, kaj ŝalti la kodpaĝojn laŭplaĉe; en TTT bona retumilo aŭtomate kombinas signojn el diversaj kodpaĝoj.

La literoj de Esperanto ankaŭ enestas, kvankam uzi ilin eblas ne ĉiam. Ili disponeblas ĉe foliumado de TTT-paĝoj, sed oni ne povas senpere klavi kaj printi ilin (ĉar la koncernaj peliloj malhavas kodpaĝon por ili). Feliĉe, Jurio Finkel verkis pakaĵon kiu solvas tiun problemon (http://www.esperanto.mv.ru/Download/ek.zip).

Vd la informojn ĉe la Majkrosofta servilo.

Senpagaj WGL4-tiparoj troveblas apude.

1998-07-26

1. (MS-Windows, Microsoft Windows) Fenestrosistemo kaj uzul-interfaca programaro konstruita de Majkrosoft super MS-DOS. Unue eldonita en 1987, ĝi estis tiom malrapida sur la tiamaj komputiloj, ke oni kromnomis ĝin ☺ Windoze, «venk-dormemo» kaj tiu nomo restas oftega en la retforumoj. Nun kutime temas pri la eldonoj 3.0–3.11.
2. (Windows-95, Windows-98) Plua evoluigo de MS-Windows, plu surbaze de MS-DOS. La plej ĵusa frukto de tiu branĉo estas Windows Millenium («Jarmilŝanĝa Vindozo», alinome Windows ME).
3. (Windows-NT, NT, «Windows New Technology») Operaciumo kiu devas anstataŭi kaj MS-DOS-on, kaj MS-Windows-3. NT celas la merkaton de laborstacioj kaj retoj. Unue eldonita en septembro 1994, NT tre longe restis provversio. Malsimile ol Windows-3.1, NT estas kompleta operaciumo.
4. La kvina versio de Windows NT ricevis la nomon Windows-2000 (iom ŝercaj mallongigoj: Win2K, w2k).

2001-06-17

Svisa komputikisto, nask. 1934, aŭtoro de multaj sukcesaj programlingvoj (ALGOL-W, Eŭlero, Paskalo, MODULA, Oberono); vd ankaŭ problemo pri ok damoj. Vd http://www.cs.inf.ethz.ch/~wirth/, http://www.newcollege.co.uk/SOL/CURRIC/CSCI/LANGS/MODULAR/WIRTH.HTM.

1996-02-29

1. Verkilo por diversaj komputilaj platformoj. La unua eldono aperis en 1980; nun disponeblas versioj por MS-DOS, Windows, Makintoŝo. WordPerfect estas vaste uzata en Esperantujo pro sia kapablo trakti plurlingvajn (eĉ multelingvajn) tekstojn; i.a., ekde sia eldono 5.0 ĝi disponigas la literojn de Esperanto, kies kodonojn en la signaro Multinational-1 donas tabelo (Esperantaj kromliteroj en WordPerfect).
2. WordPerfect Corporation estas la produktanto de la verkilo WordPerfect (kaj de alia programaro). La kompanion aĉetis la firmao Novell Inc. en 1994.

1996-02-29

Iniciato krei mondskalan hipermedion por ebligi al dise loĝantaj uzuloj unuece atingi grandan datuman universon. La projekton iniciatis Tim Berners-Lee el CERN (Eŭropa esplor-centro pri nuklea fiziko), kiel komunikilon por la membroj de tiu internacia instituto (ekde marto 1989). Oni povas legi WWW-on se oni(a komputilo) havas retkonekton al la Interreto kaj t.n. «klientan programon» aŭ «WWW-legilon» (foliumilon), kiaj ekz-e Navigilo aŭ Esplorilo (por grafikaj terminaloj) aŭ Linko (por fikssignaraj terminaloj).

Vd http://www.boutell.com/faq/ (anglalingva respondaro).

Ĉiu WWW-legilo devas kompreni la lingvon HTML, uzatan por prezenti hipertekstojn.

En WWW troveblas pli ol 13500 paĝoj en Esperanto, ekz-e http://www.esperanto.net/veb/, http://www.esperanto.org, http://www.esperanto.net/veb/flavaj-pagxoj.html, kaj multaj el ili estas arigitaj en ringon. Cetere, sufiĉas serĉi per la regulesprimo «+kaj +la +kiu +estas» uzante serĉilon kia Alta Vista.

Noto. En Esperanto por «WWW» tre oftas la tradukita nomo «TTT». Ankaŭ vd vuo, Teksaĵo.

1998-10-05