Longe for de mia mond’
Mi portigxis per etera ond’
Al loko stranga tre
Fore de l’ amika rond’
Plene je demandoj sen respond’
Kaj motorpane’

Marso aux Aldebaran’
Stelo sen samidean’
Vere mankis ies akompan’

Liza cxiam volis pentri bildojn
Kaj ankaux mi, sed ne kun sama gxu’
Kaj mia farbskatol’
Perdigxis kun la vol’
Sed Liza pentras bildojn dauxre plu

Mi promenas dum vesper’
En la posx’ bileto kaj moner’
Por subteni min
Estas sur la tuta ter’
Unu nur kun gxusta karakter’
Por kompreni min
Cxu kritiko aux admon’
Cxu ideo aux propon’
Vi kontaktu min per telefon’

Liza cxiam volis pentri bildojn
Kaj ankaux mi, sed ne kun sama gxu’
Kaj mia farbskatol’
Perdigxis kun la vol’
Sed Liza pentras bildojn dauxre plu

Eble mi jam sciis de komence
Eble malgraux cxio pravis mi...

Liza cxiam volis pentri bildojn
Kaj ankaux mi, sed ne kun sama gxu’
Kaj mia farbskatol’
Perdigxis kun la vol’
Sed Liza pentras bildojn dauxre plu

Versxajne Liza pentras bildojn dauxre plu