PMEG

17.6. Nek... nek

Ordinara nek signifas “kaj ankaux ne”, “kaj ankaux neniu” k.s. Plurobla nek signifas “kaj ne”. Kombinita nek estas do egala al kaj... kaj plus neado:

  • Mi renkontis nek lin, nek lian fraton.FE.28Mi kaj ne renkontis lin, kaj ne renkontis lian fraton.

  • Nek gxojo, nek malgxojo dauxras eterne.PE.1680Kaj gxojo, kaj malgxojo ne dauxras eterne.

  • Sxi estis muta, povis nek kanti nek paroli.FA1.98Sxi kaj ne povis kanti, kaj ne povis paroli.

  • Esperanto estas “nenies proprajxo”, nek en rilato materiala, nek en rilato morala.OV.238 La neo validas kaj en rilato materiala, kaj en rilato morala.

  • – Cxu vi havas auxton aux biciklon? – Nek, nek. (= Mi havas nek auxton, nek biciklon.)