PMEG 2023

38.3.8. MIS

MIS = “erareco, malgxusteco, malboneco”. MIS cxiam montras manieron aux econ de tio, kio staras poste. (La prefikso MIS estis oficialigita en 1929.)

  • kalkuli miskalkuli = kalkuli erare

  • kompreni miskompreni = kompreni erare

  • skribi misskribi = skribi erare

  • direkti misdirekti = montri aux gvidi en malgxustan direkton

  • akuzi misakuzi = akuzi malprave, erare

  • korekti miskorekti = provi korekti kauxzante erarecon

  • pasxi mispasxi = fari eraran pasxon

  • uzi misuzi = uzi en malbona aux malgxusta maniero

  • trakti mistrakti = trakti malbone

  • faro misfaro = malbona faro

  • formo misformo = erara, malbona formo

  • formi misformi = doni malgxustan, malbonan formon al io

Ordinara radiko «

  • misa = erara, malbona, malgxusta

  • misi = erari, maltrafi

MIS kaj MAL «

Ne konfuzu MIS kun MAL. MIS ne sxangxas la bazan signifon de vorto, sed nur aldonas la ideon de erareco aux malboneco. MAL komplete sxangxas la signifon en la kontrauxon:

  • lauxdi = diri, kiel bona io estas

  • mislauxdi = erare diri, ke io estas bona, dum gxi fakte estas malbona

  • mallauxdi = diri, kiel malbona io estas

  • mismallauxdi = erare diri, ke io estas malbona, dum gxi fakte estas bona