PMEG

39.2.6. BIO

Eksprefikso kun la signifo “vivo” aux “vivanta estajxo”: biografio, biologo, biopsio, biotopo.

Vera prefikso «

Iafoje rigardebla kiel vera prefikso en kelkaj modernaj vortoj: kemio biokemio = “kemio de vivantaj estajxoj”, fiziko biofiziko = “biologia fiziko”, industrio bioindustrio = “industria bestobredado”, maso biomaso = “maso de vivantaj estajxoj (en unu loko)”, diverseco biodiverseco = “diverseco de vivantaj estajxoj”. La preciza signifo de BIO estas iafoje malklara. Normale temas pri “vivanta estajxo”, sed iafoje eble pri “vivo”, “viva proceso” aux ecx “biologio”. Plej multaj BIO-vortoj ankaux povas esti rigardataj kiel propraj radikoj.