Vera sufikso «

1. “Plantordo”. Uzata en botaniko post la plej tipa membro de la ordo: rozo → rozaloj = “la ordo de rozosimilaj plantoj”, poligono → poligonaloj, orkido → orkidaloj. Oni uzu AL nur laux la internaciaj botanikaj nomreguloj. AL respondas al la latina sufikso “-ales”. Prefere oni rigardu tiajn vortojn kiel nekunmetitajn. Komparu kun AC, E, ED, EN kaj OID.

2. “Osto”. Evitinda anatomia sufikso: nazo → *nazalo*, femuro → *femuralo*. Uzu OST anstatauxe: nazosto, femurosto k.t.p.

3. “Rilata, apartena”. Oni proponis uzi AL por krei el ecaj radikoj A-vortojn kun rilata signifo: varmo → *varmala* = “rilata al varmo, temanta pri varmo” (varma = “kun multe da varmo”); sano → *sanala* = “rilata al sano, apartena al sano” (sana = “havanta sanon”). Tiu propono neniam realigxis en la lingvo. Oni esprimu tiajn signifojn per plurvortajxoj: pri varmo, de varmo. Eventuale oni povas uzi kunmetajxojn kun pri, rilata aux simile: privarma, varmorilata, varmotema, prisana, sanrilata.