5.1. Bazaj reguloj por A-vortoj

Vorton kun la finajxo A oni nomas A-vorto. A-vortoj montras ecojn, kvalitojn, apartenojn, rilatojn k.s. A-vortoj estas uzataj por priskribi. La A-finajxo aldonas la gxeneralan ideon “karakterizata de tio, kion esprimas la radiko”:

• longa = havanta multe da longo

• rugxa = havanta rugxon kiel econ

• bona = karakterizata de bono

• inteligenta = havanta inteligenton, karakterizata de inteligento

• homa = rilata al homoj

• malaperinta = tia, ke gxi jam malaperis

La signifo de A-vorto dependas kaj de la radiko, kaj de la kunteksto.

Ankaux posedaj pronomoj kaj vicordaj nombrovortoj estas A-vortoj. En ili la A-finajxo havas specialan signifon.

Post A-finajxo povas sekvi J-finajxo por multe-nombro, kaj N-finajxo por frazrolo. Oni ankaux povas meti ambaux, sed cxiam J antaux N:

Legu ankaux pri A-vortaj frazpartoj.