E-vortoj el ecaj radikoj «

Kiam la radiko de E-vorto havas ecan signifon, la E-vorto normale montras manieron. Tiaj E-vortoj ne multe varias laux la kunteksto:

• veturi rapide = “veturi kun alta rapideco”

• strange granda = “granda en stranga maniero”

• rugxe farbita = “farbita per rugxo”

E-vortoj el ne-ecaj radikoj «

Kiam la radiko de E-vorto ne havas ecan signifon, la E-vorto montras diversajn signifojn depende de la radiko kaj depende de la kunteksto:

• regxe konduti = “konduti en maniero karakteriza por regxo”

• regxe ricxa = “tiel ricxa kiel regxo, ricxa en regxa maniero”

• logxi urbe = “logxi en urbo”

• okazi tage = “okazi en tago”

Se la radiko havas agan signifon, la E-formo povas signifi “rilate al la ago, karakterizate de la ago” k.s. La signifo ofte estas simila al ANT-participo aux INT-participo kun E-finajxo:

• konduti time = “konduti kun timo, karakterizate de timo, montrante timon, timante”

• zorge esplori = “esplori kun zorgo, zorgante, zorgeme”

• morte dangxera = “tiel dangxera ke estas risko de morto”

• morte malami = “malami gxis la morto”

Aga radiko sed eca signifo «

Cxe iuj E-vortoj, la signifo iafoje estas maniera, kvankam la radiko estas aga:

• Mi parolas en gxi [= la franca lingvo] suficxe *korekte* kaj facile.M.57 = ...suficxe senerare...

Tia uzo estas evitinda. Legu pli detalajn klarigojn pri tiaj vortoj kun A-finajxo.