PMEG 2024
30.3. Objektaj verboj
Multaj subjektaj verboj povas krom subjekto havi ankaux objekton. Ili estas objektaj verboj.
| vidi | La subjekto estas tiu, kiu perokule rimarkas ion. La objekto estas tio, kio estas rimarkata: La knabino vidas la domon. / Cxu vi vidis la akcidenton? |
|---|---|
| preni | La subjekto estas tiu, kiu kauxzas la agon kaj ekhavas la objekton. La objekto estas tio, kio pro la preno transiras al la subjekto: Sxi prenis el la sxranko la argilan krucxon.M.13 / Ili prenis la soldaton kaj jxetis lin en malliberejon.FA1.11 Se oni volas precize diri, kiu parto de la objekto estas trafata de la preno, oni uzas je-komplementon: Poste sxi prenis Gerdan je la mano.FA2.57 (La mano apartenas al Gerda.) La korpoparto aux ilo uzata de la subjekto povas aperi kiel per-komplemento: Per sia terura mano li prenis min je la kolo. / Per tenajlo li prenis la feron el la fajro. |
| mortigi | La subjekto estas la kauxzanto aux la kauxzo de la morto. La objekto estas tiu, kiu mortas: David [...] batis la Filisxton kaj mortigis lin.Sm1.17 / Troa drinkado mortigas la drinkanton. Legu pli pri IG-verboj. |
| helpi | Subjekto estas la faciliganto. Tio, kies tasko aux laboro estas faciligata, povas esti objekto: Cxiuj esperantistoj en la dauxro de la tuta jaro volonte helpados la organizantan komitaton per siaj konsiloj kaj laboroj.L1.84 Oni ankaux povas uzi al-komplementon anstataux objekto: Rakontu al mi vian malfelicxon, cxar eble mi povos helpi al vi.FE.41 |