PMEG

39.1.13. ICX°

“Virbesto, viro, masklo”. Unu el multaj proponoj de sufikso por montri viran sekson. ICX estas nun (en la jaro 2016) la plej populara propono de tia sufikso, sed gxi tute ne estas gxenerale uzata, kaj multaj ne konas gxin: bovo *bovicxo* = “virbovo”, kato *katicxo* = “virkato”, kuracisto *kuracisticxo* = “vira kuracisto”. ICX parencas al la sufikso CXJ, same kiel IN parencas al la sufikso NJ. Normale oni uzas vira aux prefiksecan VIR.

Iuj volas uzi ICX ankaux cxe viraj radikoj, kies signifon ili do volas sxangxi al sekse neuxtra: patro (neuxtra) *patricxo* = “patro”, knabo (neuxtra) *knabicxo* = “knabo”, viro (neuxtra) *viricxo* = “viro”. Tiel drastaj signifosxangxoj de oftaj kaj firme enradikigxintaj vortoj estus vera reformo de la lingvo, kaj tial malfacile realigebla. Por esti konsekvenca oni devus tiam neuxtrigi ankaux inajn radikojn: damo (neuxtra) *damino*, *damicxo*; nimfo (neuxtra) *nimfino*, *nimficxo*; putino (neuxtra!) *putinino*, *putinicxo*.

Legu ankaux pri seksa signifo de radikoj kaj O-vortoj.